Psa 4 | NdeIBE | STEP | Kumqondisi wokuhlabela. Ngeleziginci. Ihubo likaDavida Ngiphendula lapho ngikubiza, O Nkulunkulu wami olungileyo. Ake ungiphumuze ekuhlulukelweni engikukho; woba lomusa kimi uzwe umkhuleko wami.

Psalms 4

1 Ngiphendula lapho ngikubiza, O Nkulunkulu wami olungileyo. Ake ungiphumuze ekuhlulukelweni engikukho; woba lomusa kimi uzwe umkhuleko wami.

2 Koze kube nini, we bantu, inkazimulo yami liyenza ihlazo? Koze kube nini lithanda inkohliso njalo lidinga onkulunkulu bamanga?

3 Yazini ukuthi uJehova usezehlukanisele labo abamkholwayo. UJehova uzakuzwa nxa ngikhala kuye.

4 Ekuthukutheleni kwenu lingoni; nxa lisemibhedeni yenu hlolani izinhliziyo zenu, lithule.

5 Nikelani imihlatshelo eqondileyo, limethembe uJehova.

6 Abanengi bayabuza bathi, “Kuvele ngubani ongasitshengisa ukulunga na?” Sengathi ukukhanya kobuso bakho kungakhazimula phezu kwethu, O Jehova.

7 Uyigcwalisile inhliziyo yami ngentokozo enkulu eyedlula ubunengi bamabele abo lewayini labo elitsha.

8 Ngizalala phansi ngijunywe yibuthongo ngilokuthula, ngokuba wena wedwa, O Jehova, uhlezi ungilondolozile.